“Алла разылығы үшін кешіріңіздер”. Жедел жәрдем жүргізушісін ұрған жігіт кешірім сұрады

Қарағандыда жедел жәрдем жүргізушісін соққыға жыққан Нұрболат Дәкебаев халықтан кешірім сұрады. Іздеуде жүрген ол бірінші ақпанда Қарағанды облысында қолға түскен болатын, деп хабарлайды Uaqyt.info.

“Ассалаумағалейкүм, барша қазақстандықтар, барша мұсылмандар, Қазақ елі! Мен 2024 жылы 1 ақпан күні өзім барып берілмекшімін. Себебі істеп қойған қиянатым күн бермей жатыр. Бәрінен, ақ халаттылардан кешірім сұраймын. Мен зиянымды тигізбек ойым болған жоқ. Ондай ойым мүлде болмаған, болмайды да. Жаңағы қол жұмсап, менен жәбір көрген бауырымнан мен кешірім сұраймын. Алла разылығы үшін кешіріңіздер. Қазақстандағы мұсылман бауырлар, барлықтарыңыз мені кешіріп қойыңыздар. Мен өз қателігімді түсініп отырмын. Алла разылығы үшін кешірім сұраймын”, – дейді ол.

Uaqyt.info іздеуде жүрген Нұрболат Дәкебаев туралы бұған дейін бірнеше материал жазды.