Tuesday, 23 July,2024

Арселор Миттал Теміртау басшысы ауысты: Кенішті өңір әкімінің орынбасары бақарады

Алмас Абылай
Фото Қарағанды облысының әкімді

Әкім орынбасары компания басшысы болды. Мемлекет меншігіне өтуі тиіс "АрселорМиттал Теміртау"-дың ендігі жағдайы қалай болады? Шешімін облыс әкімдігі жазды, деп хабарлайды Uaqyt.info.

Әкімдік ақпараты бойынша компанияның меншік иесінің ауысуы қызметкерлер алдындағы міндеттемелерге еш әсер етпейді. Төлем шарттары, әлеуметтік кепілдіктер сақталады. Шахталарда бірінші кезекте еңбек қауіпсіздігін арттыруға назар аударылады. Бұл туралы Вадим Басин мәлімдеді.

"Кеше Мемлекет басшысы қаза тапқан және зардап шеккен кеншілердің туыстарымен кездесуде компанияның проблемалық активтеріне қатысты инвестормен қарым-қатынас тоқтатылатынын мәлімдеді. Бұл ретте бір жайт ерекше атап өтілді, және де компанияның бүкіл ұжымына бірден айта кетілгені: жұмыс шарттарында, төлемдерде, әлеуметтік кепілдіктерде ешқандай өзгерістер болмайды. Оларды жақсарту тұрғысынан ғана қайта қаралатын жағдайлар қалады. Бұл компанияның әрі қарай жұмыс істеуі және әлеуметтік жауапты болуы үшін қажетті шарт. Ұжымның бірде-бір мүшесі жұмыстан шығарылмайды, ұжымның бірде-бір мүшесінің құқығы төмендетілмейді", – деп атап өтті Вадим Басин.

Шахталарда бірінші кезекте еңбек қауіпсіздігін арттырумен және негізгі қорларды жаңартумен айналысатын болады. Қазір қаза тапқан кеншілердің туыстары мен жақындарына психологиялық көмек көрсетілуде. Кәсіби психологтар жұмыс істеп жатыр.

Айта кетейік, бұған дейін шахтадағы апаттан қаза болған кеншілер саны 42-ге жеткенін жазған едік.

Ұсынылатын