Қарағандыдағы апаттан қаза болған кеншілердің отбасына қандай көмек көрсетіледі?

Үкімет сайтында Мемлекет тапсырмасы бойынша кеншілер отбасына толыққанды көмек көрсетілетіні жазылған, деп хабарлайды Uaqyt.info.

Яғни мынадай қолдау шаралары қарастырылған:

– компания қаражаты есебінен отбасыларға баспана сатып алу;

– моральдық зиян үшін 10 жылдық жалақы мөлшерінде біржолғы төлем;

– асырауында болған балаларға 18 жасқа толғанға дейін ай сайынғы сақтандыру төлемі (ЖОО студенті болса, 23 жасқа дейін);

– Мемлекеттік әлеуметтік сақтандыру қорынан жалақысына байланысты ай сайынғы төлем;

– қамқорлықтағы адамдардың санына байланысты асыраушысынан айырылу жағдайы бойынша ай сайынғы мемлекеттік жәрдемақы;

– жұмыс берушінің қаражаты есебінен отбасылардың несиелерін өтеу;

– жерлеуге байланысты барлық шығындарды өтеу;

– қаза тапқандардың балалары мен жұбайларын жұмысқа орналастыру;

– 23 жасқа дейінгі балалардың оқу ақысын төлеу;

– қаза тапқандардың жұбайлары мен балаларына санаторий-курорттық емделуге жолдамалар беру;

–  үйді пешпен жылытатын отбасыларға жыл сайын көмір бөлу.

Айта кетейік, бұған дейін шахтадағы апаттан қаза болғандар саны 33-ке жеткенін жазған едік.