Monday, 17 June,2024

ШҚО түрмесіндегі жантүршігерлік азаптауға қатысты түсініктеме берілді

Uaqyt.info
Фото Polisia.kz

Шығыс Қазақстан облысындағы  ҚАЖД №16 мекемесінде жазасын өтеп жатқан ер адамның мәлімдемесі жалған болып шықты, деп хабарлайды Uaqyt.info.

Polisia.kz медиа-порталының жазуынша, әлеуметтік желіде тараған бейнежазба 2014 жылы түсірілген. Ал жазасын өтеуші сол кадрларды өз жеке мүддесіне пайдаланбақ болыпты.

“ҚАЖД №16 мекемесінде жазасын өтеп жатқан А. есімді сотталған әкімшілік қызметкерлерінің заңсыз әрекеттері туралы мәлімдеді. Бұл өтініш КАЖД-да тіркелді, алайда сотталғанды тексеру кезінде оқиға орнына келген жедел-тергеу тобы дене жарақатын таппады. Тексеру процесі DVR-ге бекітілген. Сауалнама барысында А. есімді сотталған бейнежазбада басқа сотталғандар тіркелгенін, ал ол 9 жыл бұрынғы бейнероликті өз мүддесі үшін пайдаланғанын түсіндірді. Сондай-ақ сотталған жеке оның тарапына заңсыз әрекеттер жасалмағанын түсіндірді”, - делінген хабарламада.

Uaqyt.info бұған дейін ғаламторда жұрттың жағасын ұстатқан сотталушының мәлімдемесін  жазған болатын. Онда ол Президенттен көмек сұрап, өз өміріне араша сұраған еді.

Ұсынылатын