"Төреғалимен тіресіп қалдық". Айтыскер ақын Сырым Әуезхан әншімен қалай шекіскенін айтты

Айтыскер ақын Сырым Әуезхан белгілі әнші Төреғали Төреәлі туралы ел білмейтін құпияны ашты, деп хабарлайды Uaqyt.info.

«Ұйқым келмейді» түнгі шоу-бағдарламасының қонағы болған ақын Сырым Әуезхан Төреғали Төреәлімен айтысқан кезі туралы айтты:

“Төреғали аға екеуміз жұптасқан айтыс олимпиадалық жүйемен өтетін болды. Бұрынғы айтыстарда ол кісі басқа ақындардың сөзін қолданғаны бар еді. Соны негізге алып алдым. Кәдімгідей қырғын айтыс болған. Ер шекіспей, бекіспейді дегендей айтыста бір тіресіп қалдық. Бірақ одан кейін қол алысып, қазір ағалы-інілі болып араласып жүрміз. Сондықтан жақсы жағын айтайық. Мен Төреғали Төреәлінің айтыстағы карьерасын тоқтатқан жоқпын, керісінше оның әншілік мансабын бастап бердім”, - деді Сырым Әуезхан.

Есірткімен ұсталып, полицейлермен тірескен Төреғали Төреәлі сот шешімімен қазір қамауда жатыр. Uaqyt.info атышулы әнші туралы бұған дейін бірнеше материал жазды.